Concello de Santiago e Fundación ONCE alíanse coa integración social e laboral das persoas con discapacidade

A discapacidade non ten que impedir a integración social e laboral das persoas. Con esta idea o concello de Santiago asinou hoxe no Pazo de Raxoi un convenio con Inserta, entidade sen ánimo de lucro promovida pola Fundación ONCE. Este acordo implica a colaboración en programas de captación, orientación e inserción laboral de persoas con discapacidade do municipio e tamén accións de sensibilización como explicou Marta Lois, concelleira de Igualdade, Desenvolvemento Económico e Turismo aos medios de comunicación.

- Publicidade -

A propia Fundación ONCE deu a coñecer os datos que avalan a realización deste tipo de iniciativas. O 10% da poboación do Estado español ten algún tipo de discapacidade e desta porcentaxe, só unha de cada catro persoas traballan. Na base de demandantes de emprego da Fundación ONCE están inscritas na actualidade máis de 200.000 persoas.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego