Ofertar espazos de calidade para que os grupos de música dacidade poidan ensaiar é o obxectivo que se marcou a concellaría de Mocidade que dirixe a edil Noa Morales.
De San Lázaro ata a Almáciga
coa habilitación destes locais de ensaio, darase saída a unha demanda histórica nesta cidade
Para conseguilo, este departamento habilitará novos espazos no Centro Xove da Almáciga evitando que os destinatarios e destinatarias teñan que desprazarse, como fan na actualidade, ata as instalacións do Estadio de San Lázaro. Prevese que os novos espazos estean listos nun mes e medio.
Na actualidade veñen ensaiando nos locais municipais uns 50 grupos, unha cifra que, coa mellora das condicións, agarda a concelleira que se incremente. O orzamento destinado para estas obras é de algo máis de 37.800 euros e consistirá na habilitación dun espazo de practicamente 100 metros cadrados útiles onde haberá 3 salas, un estudo de gravación e un pequeno espazo como almacén
