Esta mañá tivo lugar a inauguración do primeiro Centro Nacional de Formación de Referencia en Materia de Rehabilitación da Península Ibérica, que está situado na antiga fábrica de curtidos de Pontepedriña de Arriba. O alcalde de Santiago, Martiño Noriega, salientou a aposta de futuro que se fai pola formación na rehabilitación.

O presidente da Xunta, Alberto Núñez Feijóo, fixo fincapé en que se trata dun proxecto pioneiro en España.

Unha tarefa pendente desde 2011

Este proxecto remóntase ao ano 2011, pero as obras non comezaron ata setembro de 2013. Para a súa posta en marcha, destinouse un investimento de 8,1 millóns de euros, dos que 5,3 foron achegados pola Fundación, 2,1 polo Consorcio de Santiago e 700.000 euros pola Xunta.