A Xunta de goberno aprovou a licitación da Axuda ao Fogar por un importe de 3,7 millóns de euros en 24 meses. Anunciouno na rolda de prensa posterior o alcalde de Santiago Martiño Noriega quen sinalou que este procedemento mellorará o servizo ao incrementarse a partida dedicada ao mesmo.
Transporte metropolitano
Martiño Noriega “É o momento de garantir o funcionamento digno do transporte metropolitano, todos gañamos”
Na mesma rolda de prensa o alcalde quixo dar a súa opinión sobre a xuntanza mantida hais uns días por varios concellos da área metropolitana e na que se tratou do modelo de transporte. Segundo Noriega é moi importante solucionar as disfuncións que ten o actual e agarda ver cal é o novo modelo que presente a Xunta
Martiño Noriega tamén sinalou que a Xunta de Goberno, en materia de subvencións, acordou solicitar unha axuda de 57.000 euros para a promoción da igualdade. Do mesmo xeito informou da concesión doutra axuda de 10.000 euros por parte da Deputación da Coruña, para a Escola Municipal de Música.
