Compostela esixe a fin “crueis políticas migratorias” no Día Mundial das Persoas Refuxiadas e reivindica a libre circulación das persoas na UE pic.twitter.com/mK8EslBltv
— Nós Televisión (@NosTelevision) June 20, 2018
O Concello de Santiago volve amosar o seu compromiso na acollida de migrantes. A praza do Obradoiro conmemorou este mércores o Día Mundial das Persoas Refuxiadas, nun acto no que se reivindicou a libre circulación das persoas e a fin das “crueis políticas migratorias” dunha Unión Europea que só lembra aos refuxiados “cando acontecen casos mediáticos coma o do Aquarius”.
De Siria a Compostela
As políticas da UE fracasan
Fadile Chami, integrante da Rede Galega en Apoio ás Persoas Refuxiadas, fuxiu de Siria hai unha década para asentarse en Galicia. Dende a súa experiencia propia axudando ás persoas migrantes que chegaron ao país dende o 2015, considera que as actuais políticas do Estado son un “fracaso” para as familias que piden asilo fuxindo da guerra.
Chami agarda que aos concellos de Santiago, Ames ou Teo se sumen nas vindeiras datas outros novos que “abran as portas” ás persoas refuxiadas e as axuden a adaptarse do mellor xeito posíbel. A capital galega rexistra unha nova ruta de peregrinación, neste caso solidaria, e transcorre de Siria a Compostela.
