Comezan artellarse os orzamentos participativos do Concello de Santiago de cara ao ano 2019. Un total de 241 propostas superan a primeira “criba” e pasan a seguinte fase de votación. Recibíronse iniciativas nas cinco áreas deseñadas: ámbito municipal, mocidade, Festas do Apóstolo, medio rural e territorio urbano. Foron desbotadas 95 propostas ao non cumpriren os requisitos.

Fase de apoios

Dende hoxe mesmo até o vindeiro 27 de xullo, a cidadanía deberá agora dotar ás diferentes propostas dos apoios necesarios para pasar á votación final, que se celebrará en setembro.

Só poderán superar esta rolda 20 de cada área. Con todo, alén de obter o número suficiente de apoios, dende o Pazo de Raxoi lembran que deberán ser avaliadas polo persoal técnico do Concello, “que determinará a súa viabilidade e custe antes de facerse pública a lista final de propostas a votar”.