As subvencións en materia de igualdade de Santiago medran ano tras ano. A concelleira de Igualdade, Marta Lois, deu conta esta mañá dunha nova convocatoria de subvencións para o fomento de programas en prol da igualdade entre homes e mulleres e as persoas do colectivo LGTBIQ así como tamén para actividades de prevención e loita contra as violencias machistas.
Tal e como explicou a edil de igualdade, a diferenza en relación ao ano pasado é de 2.500 euros e de 7.500 en relación ao 2016. Deste xeito, durante este ano poderase subvencionar o 100% do proxecto que presenten as entidades sempre e cando non se supere o límite máximo desta convocatoria, que está en 3.000 euros por asociación.
As bases
Haberá tres liñas de actuacióne e, ao igual que en anos anteriores, esta convocatoria contará con tres liñas fundamentais: a primeira para acadar a igualdade efectiva entre homes e mulleres, a segunda para fomentar a igualdade efectiva das persoas LGTBIQ do Concello e a terceira para previr as violencias machistas
