O 14 de novembro lémbrase, a nivel internacional, o Día Mundial da Diabete. A Federación Internacional de Diabete e a Organización Mundial da Saúde instauraron esta data no 1991 como resposta ao aumento de diagnósticos desta enfermidade. Na Galiza a Retinopatia Diabética é a primeira causa de cegueira irreversible en idade laboral, afectando a máis de 70 mil galegas e galegos.
En Santiago a Asociación Compostelá de Diabéticos en colaboración co Instituto Ofatalmolóxico Gómez-Ulla saiu á rúa para realizar controis de Glucemia e exploracións gratuitas de fondo de ollo.
Concha Fernández, concelleira de Políticas Sociais, Diversidade e Saúde, sumouse ao Día Mundial da Diabete reivindicando máis sensibilidade institucional contra esta enfermidade.
A Retonopatía Diabética pode pasar inadvertida ata unha fase adiantada da enfermidade. Os síntomas máis frecuentes son visión borrosa ou con manchas, distorsión da imaxe e dificultade para ler de cerca.
