A compañía Ibuprofeno Teatro presenta en Compostela a obra coa que pecha a súa “triloxía gastronómica”, Casa O’Rei.
O argumento ten como figura principal a Manolo Rei, home vello e enfermo, que convida a un cocido á súa familia familia, desta vez para repartir a Casa entre as súas tres fillas. Pero o cocido sáelle cargado de traizón e desprezo, intragable polo amargor dun mundo novo, acedo e descoñecido, que trae do estranxeiro unha morte pre-conxelada e adobada con fel. O tempo, o destino e o Burger King son implacables coa sorte dos mortais que non saben seleccionar os ingredientes axeitados para elaborar as receitas da súa vida.
Entradas a 12 euros
Celebraranse dúas funcións no Teatro Principal, o venres 6 e o sábado 7, ambas a partires das 20.30 horas. As entradas terán un prezo xeral de 12 euros cos habituais descontos do 50%, e poderán mercarse a través do portal entradas.abanca.com e nas billteiras do Principal.
