O IES San Clemente acolleu a primeira das doce conferencias interactivas que integran o programa de dinamización lingüística “O galego é un mundo”, impulsado pola Secretaria Xeral de Política Lingüística para promover entre alumnado de educación secundaria a valoración da diversidade lingüística e a erradicar algúns dos prexuízos existentes arredor do galego. A conferencia inaugural realizouna o sociolingüísta bengalí Anik Nandi.

Os relatorios interactivos deste programa chegarán, tamén a Rianxo, Carral, Arteixo, Caldas de Reis, Vilagarcía de Arousa, Vigo, Forcarei, Verín, Xinzo de Limia, Navia de Suarna e Ribadeo

No acto estivo presente Valentín García, Secretario Xeral de Política Lingüística quen apuntou a importancia de coñecermos a situación internacional doutras linguas.

María del Carmen Viñas Álvarez, directora do IES San Clemente, parabenizouse de que escolleran o seu instituto para o inicio do programa.