Segundo avanzan os medios de comunicación ucraínos, o avión da compañía Ukraine Air Alliance saiu de Vigo con oito persoas a bordo pasadas as doce da noite. Delas, sete pertencían á tripulación e a oitava persoa acompañaba á carga. O destino era a cidade ucraína de Lviv pero a falta de combustible fixo imposible a chegada do avión. A falta dun quilómetro e medio para chegar ao aeroporto, o piloto tivo que realizar unha aterraxe forzosa que causou a morte de, polo menos, cinco persoas.