Este mércores 18 presentouse o Manifesto Galego polo Clima, un documento elaborado polo Movemento Galego polo Clima e apoiado por máis de 50 organizacións galegas motivada pola mobilización global que terá lugar a finais de mes.

- Publicidade -

A Sociedade Galega de Historia Natural lembra que a actual situación de emerxencia climática é algo do que se ven advertindo dende hai corenta anos, e considera que chegou a hora de que as administracións -tanto estatais, autonómicas como locais- declaren emerxencia climática. Considera que “non se está tomando en serio a situación”. Ademais, afirman que a administración galega “ten moitos recursos” para loitar contra esta situación, que debe ser prioritaria.

Falamos con Serafín González, presidente da Sociedade Galega de Historia Natural:

No Parlamento galego, os grupos  da oposición presentaron diversas propostas motivadas pola actual situación climática e criticaron a política forestal e de territorio da Xunta de Galicia, en referencia aos últimos lumes e á proliferación de proxectos extractivistas no país.

Pedro Puy, voceiro do PPdeG, anunciou que será un dos temas tratados no vindeiro debate de estado de autonomía.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego