Chega a Compostela a exposición H2Oh!

A exposición, situada na Alameda, pretende concienciar da importancia da auga

Os seres humanos non só necesitamos a auga para vivir, senón para crecer e prosperar. Con esta idea a Obra Social “la Caixa” realizou a exposición H2Oh! coa que, de xeito itinerante, visita as cidades do Estado español cunha mostra entre pedagóxica e lúdica ao tempo que profundamente informativa para concienciar a cidadanía da importancia da auga na vida do planeta e os seus habitantes. En Santiago a exposición está situada na Alameda e á súa inauguración asistiron Xan Duro, concelleiro de Medio Ambiente e Convivencia; Antonio Lema, Director de Área de Negocio de CaixaBank na cidade; e Julio Masid, Director de Viaqua en Galiza. Xan Duro parabenizouse da iniciativa e aproveitou a ocasión para reclamar unha nova planta depuradora para a cidade.

- Publicidade -

A exposición estará aberta ao público ata o 22 de febreiro.
A exposición estará aberta ao público ata o 22 de febreiro.

Antonio Lema, Director de Área de Negocio de CaixaBank en Santiago, explicou o interese que ten a Obra Social en realizar este tipo de actividades en Santiago e Galiza. Pola súa banda, o Director de Viaqua en Galiza, Julio Masid, salientou a importancia da xestión da auga e a oportunidade que brinda esta exposición para ver o seu ciclo dun xeito didáctico.

En paralelo á exposición, o público pode acceder a un xogo en liña que permite a calquera persoa converterse en xestor de auga nunha cidade imaxinaria. Con este xogo, de estrutura xeral similar a un recoñecido simulador de contrucción de cidades, os usuarios deberán construír a infraestrutura requirida para asegurar un abastecemento adecuado da auga a medida que a cidade vaia medrando. A exposición estará aberta ao público ata o 22 de febreiro.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego