O presidente da Asociación de Escritores en Lingua Galega (AELG), Cesáreo Sánchez, estivo na inauguración da exposición “Castelao Maxistral” e comenta a Nós Televisión que hoxe Feijóo fixo “algunha rectificación pero leve” do seu discurso de hai dous días cando omitiu calquera referencia a Alexandre Bóveda e aos asasinatos masivos e a represión logo do golpe de Estado de 1936.
Cesáreo Sánchez explica a Nós Televisión que o maxisterio que emana do cadro A derradeira leición do mestre é que “Bóveda foi asasinado por amor a Galicia e Castelao estivo no exilio por amor a Galicia”.