A presenza en Galicia do pergamiño Vindel está a ser moi rendíbel en iniciativas de promoción da nosa lingua e literatura. Nesta ocasión rapazas e rapaces do sistema educativo galego poderán participar nun novedoso programa denominado “Vindevídeos” promovido polas secretarías xerais de Cultura e Política Lingüística da Consellaría de Cultura da Xunta. Os seus responsables, Anxo Lorenzo e Valentín García respectivamente, presentaron esta iniciativa na sala do Seminario de Estudos Galegos no Pazo de San Roque.

- Publicidade -

Anxo Lorenzo deu moita importancia na presentación ao feito de contar nesta ocasión coa comunidade educativa galega que está respondendo moi ben á presenza do pergamiño e sinalou a inquedanza dos centros pola literatura e as novas tecnoloxías.

O Secretario Xeral de Política Lingüística salientou tamén que neste certame poden participar centros educativos emprazados fóra da Galicia territorial. Por último o propio Valentin García informou na presentación dos diferentes premios que poden acadar os participantes neste certame.

O Certame Vindevídeos recibirá pezas audiovisuais ata o vindeiro 11 de decembro. As bases do certame poden descargarse na páxina web www.lingua.gal ou ben en www.cultura.gal.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego