A sección sindical de Comisións Obreiras na CRTVG responde á denuncia por inxurias e calumnias interposta polo xornalista da Radio Galega, o director do Galicia por Diante, Kiko Novoa: “Non nos imos amedrentar na defensa dos dereitos das persoas que teñen contratos máis precarios e condicións laborais máis febles”.

- Publicidade -

O sindicato publicara unha nota informativa na que acusaba a Novoa de trato vexatorio contra unha bolseira á que lle dixo: “estás cobrando o mesmo por dicilo unha vez que por dúas, así que imos explotarte”.

Sinalan tamén que as contratacións precarias do ente público, que cualifican de “abusivas”, fan ao persoal máis vulnerable ás presións da empresa: “Non imos tolerar que un responsable se dirixa a unha persoa baixo ao seu cargo en termos de explotación laboral, tanto en tonos distendidos como ofensivo, seguen sendo termos de explotación laboral.”

Ata o de agora, ningún cargo da CRTVG deu explicacións polo sucedido.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego