Borja Golán foi recibido hoxe na casa do Concello de Santiago con motivo dunha nova vitoria.Neste caso, a de campión de España de squash. A recepción estivo presidida polo alcalde, Martiño Noriega. Tamén asistiron a concelleira de Deportes, Noa Morales, e os voceiros do PP e BNG, Agustín Hernández e Rubén Cela.
O deportista explicou á prensa que recepcións coma este “motivan” e amosou o seu contento xa que, mentres se realicen, significará que as cousas se están “facendo ben”.
Borja Golán agracedeu o recoñecemento do Concello de Santiago con motivo da súa nova vitoria no campionato de España https://t.co/0lbHlNMAN1 pic.twitter.com/h38dxF4fug
— Nós Televisión (@NosTelevision) 13 marzo 2017
En 2016 Borja Golán tamén se fixo co campionato de Europa en Praga. Hoxe asinou no Libro de Honra da cidade e aproveitou para mencionar que xa ten a vista posta nos próximos partidos, que se celebrarán o mércores e o xoves en Holanda e Suíza. Tamén falou do Open Británico, que comeza o domingo.
