Os grupos parlamentarios reaccionan á oferta firme para comprar a planta de Alcoa da Coruña, a venda de Ferroatlántica por parte de Villar Mir a un fondo estadounidense por 170 millóns de euros e as mobilizacións do sector da industria electrointensiva en xeral que esta fin de semana reuniu a centos de persoas nas rúas da Coruña. O BNG, o PSdeG e En Marea anuncian que levarán as reivindicacións das traballadoras e traballadores da industria galega ao Pleno do Parlamento.