Balance “moi positivo” no número de adopcións de animais

Noa Morales: “As adopcións de saída do 2016 superaron en 103 animais ás de entrada”

A concelleira de Benestar animal, Noa Morales, achegou hoxe en rolda de prensa as cifras dos animais adoptados no ano 2016. A edil indicou que desde o Concello estase a colaborar con outras protectoras e refuxios estranxeiros e incluso cunha asociación que axuda ás persoas que desexen adoptar a un animal que presente algunha particularidade, como por exemplo aqueles inquedos ou que precisen un trato especial.

- Publicidade -

A nivel económico, Noa Morales insistiu en que o pasado ano foi moi bo en contas, xa que o resultado total de pagos e ganancias resultou positivo. De feito, fíxose tamén unha modificación nos prezos dos animais á hora de adoptar. Por poñer un exemplo, nos cans pasouse pasouse de 170 euros a 98 e nas gatas de 115 a 58.

A concelleira apuntou que “os animais maiores xa non supoñen un impedimento” xa que existen familias que desexan acceder a cans e gatos máis “tranquilos”. Alén diso, existe unha axuda dunha bonificación do 50% para animais que se atopen enfermos, o cal favorece a adopción daqueles que non estean nas mellores condicións e que, por isto, precisen aínda máis unha familia.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego