A Estrada acollerá este sábado, día 7, o roteiro literario Avelina Valladares, organizado pola Deputación de Pontevedra, a través do Servizo de Cultura e Lingua, en colaboración coa Asociación de Escritoras e Escritores en Lingua Galega (AELG) e o propio Concello da Estrada.
Xosé Leal, deputado de Cultura e Lingua da Deputación de Pontevedra, tamén estivo onte no Concello da Estrada para dar conta da importancia desta homenaxe
Prazas limitadas
Hai un número limitado de prazas, en concreto son 50 e a día de hoxe quedan seis libres. Para participar será preciso inscribirse no teléfono 986677748.
“A Estrada é a Estrada porque existiu a familia Valladares”
Quen era Avelina Valladares?
Andrea Avelina María Teresa Gabriela Valladares Núñez naceu o 23 de outubro de 1825 en Vilancosta (A Estrada). Criouse no seo dunha das familias fidalgas máis importantes de Galicia. A profunda formación relixiosa que recibiu e a súa liñaxe exerceron unha importante influencia na obra da autora.
