A concelleira de Políticas Sociais, Diversidade e Saúde, Concha Fernández, presentou na mañá de onte, acompañada do presidente da Asociación de Persoas Xordas de Compostela, José A. Pais, os actos que a entidade levará a cabo co gallo do seu 40º aniversario, que se celebra este vindeiro sábado 3 de xuño. A edil resumiu en que consistirán estes actos.

Conversamos coa edil Concha Fernández sobre a colaboración do Concello de Santiago coa Asociación de Persoas Xordas e os actos deste sábado pic.twitter.com/j4UwhgwZt9

— Nós Televisión (@NosTelevision) 1 de junio de 2017

3 de xuño, evento do 40 aniversario no Auditorio Abanca

Na presentación deste actos o presidente da Asociación de Persoas Xordas de Compostela, José A. Pais explicou as dificultades que se atopa o colectivo de persoas xordas no seu día a día, tanto a nivel educativo como sanitario ou en calquera outro eido denunciando que, malia que a lingua de signos foi declarada como oficial en 2007, son moitas as administracións e entidades que carecen dun intérprete que facilite a comunicación.