Unha sala Capitol ateigada de xente recibíu a un carismático Martiño Noriega que enfiou sobre o escenario o chamado ‘ComposLate Night Show’, o acto central de campaña de Compostela Aberta.

Humor e política camiñaron da man durante toda a noite. A retranca continuou no show cando apareceu sobre as táboas Xosé Manuel Beiras quen colocou a advertencia política na sala: “xogámonos a liberdade ante os lobos famentos”.

O acto non podía rematar doutra forma que non fose co clásico ‘Monte Viso’, unha melodía que adaptaron e utilizaron na campaña de 2015, ano no que se fixeron coa Alcaldía.