“As touradas non teñen cabida e son alleas á cultura galega”

Dende Adega convidan a participar na manifestación "antitouradas" que se celebrará o vindeiro 11 de agosto en Pontevedra

Un ano máis, as Festas da Peregrina de Pontevedra contarán con tres xornadas de tauromaquia que cada vez menos xente semella comprender. En consecuencia, coincidindo cunha das “corridas de touros”, o sábado 11 de agosto celebrarase na cidade do Lérez unha manifestación “antitouradas” que partirá ás 20.00 horas da praza da Peregrina.

- Publicidade -

Os eventos taurinos son alleos á cultura galega

A Asociación para a Defensa Ecolóxica de Galiza convida a participar nesta mobilización. Fins Eirexas, representante de Adega, considera que “as touradas non poden ter cabida na sociedade actual”, e salienta que este tipo de eventos son “alleos á cultura galega”.

Política forestal da Xunta

Por outra banda, Eirexas valorou tamén a insistencia da Xunta en basear a súa política forestal no eucalipto. Para o representante de Adega, isto evidencia o “fracaso” do modelo de xestión impulsado polo Goberno galego. Dende a asociación ecoloxista lamentan o “risco” que a excesiva plantación desta árbore supón para os montes do país.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego