O líder do PSOE en Santiago afronta o primeiro día despois das eleccións falando dos seus desexos para o mandato que comezará en xuño. Bugallo di que as tres primeiras entrevistas que pedirá como alcalde de Santiago serán con Alberto Núñez Feijóo, co reitor da USC e co Arzobispo de Santiago. Sobre a súa relación co presidente da Xunta, di: “Feijóo terá en min un colaborador institucional, non un inimigo pero tampouco un subordinado que acate ordes”.

- Publicidade -

Sánchez Bugallo asegura que quere gobernar en solitario pero “queremos falar con todos os grupos políticos”, explica. O próximo alcalde de Santiago di que quere ter un encontro con eles para saber cal é o espazo no que se van mover e así poder avanzar en acordos. Sobre a idea de Martiño Noriega de facer unha gran capital, o líder do PSOE explica que non quere unha fusión pero si un goberno que traballe para a veciñanza de Santiago e a súa contorna.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego