O Concello de Carballo volcouse por cuarto ano consecutivo coa Semana Europea da Mobilidade que se celebrou do 16 ao 22 de setembro. Carballo é unha das máis de 2.000 cidades de todo o mundo que participan este ano na Semana Europea da Mobilidade, unha iniciativa da Unión Europea para promover medios de transporte sostibles.

- Publicidade -

O último acto enmarcado na Semana da Mobilidade celebrábase este pasado domingo cun paseo polos espazos emblemáticos do Carballo da man do historiador local Xan Fraga, polos edificios e os espazos emblemáticos do Carballo de 1929. Ademais, este ano en Carballo celebran o 90º aniversario de símbolos do seu pobo como a Praza da Liberdade (hoxe Praza de Galicia), o mercado municipal e as escolas do xardín (actualmente ludoteca), e aproveitando a efeméride, editaron coa colaboración da Agrupación Cultural Lumieira, unha publicación conmemorativa que repartiron a todas as persoas que se uniron á iniciativa. Deste xeito, as e os habitantes de Carballo conseguiron unha vez máis facerse co poder das rúas do seu concello.

 

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego