O xulgado mixto de Arzúa comeza este mércores a tomar declaración aos representantes das empresas Explotaciones Gallegas SL (Exga) e Tratamientos Tecnológicos del Noroeste /TEN) por un posible delito contra o medioambiente causado polas verteduras contaminantes das balsas da mina de Touro.
“Agua que no has de beber, déjala correr”. Esa parece ser a máxima de Cobre San Rafael coa balsa de Bama, que novamente volve a desbordarse e verter cara o río, logo daquela misteriosa evaporación de principios de outono. #MinaTouroOPinoNON pic.twitter.com/lrCWU5YQ1l
— Mina Touro – O Pino NON (@minatouropinono) January 5, 2020
En concreto, a balsa da Bama desbordou e verteu no río Brandelos, un afluente do Ulla segundo as denuncias presentadas ante este tribunal. Do mesmo xeito, o proceso xudicial tamén investiga as verteduras da balsa de Ameneiro. A empresa TEN SL atópase nos terreos da antiga mina para tratar os residuos da mina de Touro-O Pino sendo socia da empresa local Explotaciones Gallegas a través de Cobre San Rafael.
