O vicevoceiro do Grupo Parlamentario En Marea, Antón Sánchez, rexistrou no Parlamento de Galicia unha proposición non delLei para esixir que a Xunta se persone como parte  na demanda interposta polo Goberno do Estado no Xulgado de Primeira Instancia 1 de A Coruña para a recuperación da posesión en dominio público do Pazo de Meirás.

“Ten que ser parte lexítimamente interesada”, sinalou Sánchez, “por ser a a dministración que custodia o BIC e polo interese político de todos os galegos e galegas”. Sánchez cualificou de “boa nova” esta demanda interposta pola Avogacía do Estado, pois “marca un fito nunha loita dos colectivos da memoria e da sociedade civil, que levan moitos anos pelexando pola recuperación deste símbolo tanto da dictadura, da represión e do abuso da represión”.

“Os descendentes de Franco seguiron disfrutando das prevendas obtidas con amezas, extorsión e violencia, como o pazo de Meirás , onde aínda veñen a disfrutar desas instalacións para vergoña e humillación dos democratas e das moitas vitimas da ditadura”, dencunciou Sánchez en rolda de prensa. Cómpre lembrar que no Parlamento galego xa se aprobaron dúas iniciativas por unanimidade neste mesmo sentido, unha delas promovidas por En Marea.

- Publicidade -