Antón Sánchez reuniuse este luns en Redondela co cabo Marco Santos, sobre o que pesa unha proposta de expulsión do Exército pola sinatura do manifesto elaborado como resposta ao comunicado franquista subscrito por ata mil exoficiais e militares reservistas. O comunicado, titulado ‘Declaración de respeto y desagravio al general Francisco Franco Bahamonde’ foi rexeitado por varios ex militares a través dun manifesto de repulsa, do cal o cabo Santos foi o único asinante en activo.

- Publicidade -

“A defensa dos valores democráticos non pode ser considerada como unha manifestación política partidaria”, criticou Antón Sánchez quen trasladou a Santos a solidariedade do Grupo Común da Esquerda coa súa situación. “Cuestións coma esta evidencian que o Exército nunca levou a cabo unha ruptura co Réxime franquista, que aniña franquismo nas súas filas e que tolera manifestacións franquistas nos seus mandos. Os militares franquistas están moi cómodos neste Exército, mentres que os antifranquistas se ven constantemente minorizados”.

O Grupo Común da Esquerda levará ao Parlamento Galego iniciativas para que a Cámara se posicione en contra da expulsión do cabo Santos e para que se tomen medidas para a democratización do Exército e a súa ruptura co franquismo.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego