A III Asemblea de Anova celebrada este pasado sábado en Pontevedra rematou coa agardada elección, logo de que non houbera outra candidatura, dunha nova dirección encabezada por Antón Sánchez. Escollido polo 82,3% dos participantes o propio Sánchez valorou que a Asemblea optara por unha renovación que “xa lle tocaba”.
As diferenzas no seo de Anova son “normais” en palabras do dirixente nacionalista
Esta Asemblea tamén foi a do adeus na primeira liña da portavocia de Xosé Manuel Beiras. Para Antón Sánchez, o histórico lider nacionalista gañouse todos estes anos xogar o papel que desexe xogar en Anova.
O discurso co que pechou a Asemblea Xosé Manuel Beiras tamén foi significativo, nel o lider de Anova asegurou que a formación ten que marcar os seus propios tempos e analizou o novo panorama político a nivel estatal.
A nova coordinadora de Anova reunirase o vindeiro 1 de abril para escoller portavocía que con total probabilidade recaerá no propio Antón Sanchez.
