Rachar cos formatos tradicionais dos festivais e “sacar as alfombras vermellas” conforman as “pequenas revolucións” da (s8) Mostra do Cinema Periférico que está vivindo na Coruña a súa décima edición. Durante a mostra, que arrancou o 31 de maio e rematará este domingo, 9 de xuño, proxectaranse 126 pezas de quince nacionalidades diferentes. O seu director, Ángel Rueda, fala desta décima edición como “un punto de inflexión” que nos explica ante a cámara de Nós Televisión.