A conselleira de Medio Ambiente, Ángeles Vázquez, anunciaba este martes ante a prensa que asinara unha declaración de impacto ambiental (DIA) negativa tras acadar dous informes “desfavorables” e “insalvables” de Patrimonio Natural e de Augas de Galicia. Agora, esta declaración ambiental negativa será trasladada á consellería de Industria para que se dea o carpetazo final ao proxecto. Así e todo, a empresa poderá recorrer a decisión nos xulgados do contencioso-administrativo. As reaccións a esta decisión da Xunta non se fixeron de esperar. “280 caracteres non chegan nin para empezar a nomear tódolos agradecementos que se merece o conseguido”, destacan dende a Plataforma veciñal.
280 caracteres non chegan nin para empezar a nomear tódolos agradecementos que se merece o conseguido onte coa resolución negativa da Declaración de Impacto Ambiental do proxecto mineiro de Touro e O Pino, así que so podemos resumilo nun enorme GRACIAS.#MinaTouroOPinoNON pic.twitter.com/wQdZUKahCw
— Mina Touro – O Pino NON (@minatouropinono) January 29, 2020
???Moitos parabéns á xente da @minatouropinono. A vosa loita consigue paralizar o proxecto que vendía o futuro de Galicia a unhas poucas empresas privadas.
— anova (@anovagal) January 28, 2020
O PP recúa coa mina de Touro, como fixo coa sala de partos de Verín, demostrando unha vez máis que mobilización social dá os seus froitos. #MinaNon. Parabéns a @minatouropinono pola súa constancia. ✊https://t.co/XMLFokwFhW pic.twitter.com/kg8hORgFHq
— BNG (@obloque) January 28, 2020
Nova vitoria da xente! ??
A enorme labor da veciñanza de O Pino, de Touro e da Plataforma @minatouropinono fai que a Xunta rexeite o proxecto mineiro que poñía en perigro o medio ambiente e a saúde pública ??.
? https://t.co/rS87HYHm9F pic.twitter.com/SCMgbm5Iyj
— Podemos Galicia (@Podemos_Galicia) January 28, 2020
Unha nova batalla que a cidadanía lle gaña a Feijóo. En momento preelectoral, tenta aparentar que mete nun caixón os recortes na #sanidadepública e a súa falla de compromiso co medioambiente.
A maioría progresista xa goberna en Galicia.https://t.co/ALlYRYkI5i— Gonzalo Caballero (@G_Caballero_M) January 28, 2020
O proxecto mineiro
Atalaya Mining e Explotaciones Gallegas, propietaria do terreo, son as compañías promotoras de Cobre San Rafael, que impulsa a explotación dunhas 700 hectáreas de superficie. En maio de 2017 presentou o proxecto mineiro ante a consellería de Industria, mentres en outubro de 2018 comezou o procedemento ambiental, que agora conclúe cunha valoración negativa. Na exposición pública a Xunta recibiu unhas 1.200 alegacións.
Nos últimos días, diversos colectivos ecoloxistas informaron nos últimos meses de que Augas de Galicia abrira un expediente sancionador por unha “vertedura non autorizada susceptible de alterar a calidade da auga” ao arroio Brandelos, afluente do río Ulla. Este tipo de verteduras atópanse nestes momentos nos xulgados de Arzúa.
