O Real Club Celta impulsa a construción dunha Cidade Deportiva en Tameiga, no concello de Mos, que incluirá un centro comercial. Aínda non contan cos permisos do Concello e da Xunta, pero xa deron comezo coas obras de construción e este sábado colocaron a primeira pedra simbólica. Ao mesmo tempo, a veciñanza de Tameiga mobilizouse en contra deste proxecto e da consecuente expropiación de terras que podería chegar aos 865.000 metros cadrados.