Máis dun cento de veciñas e veciños do concello de Touro reuníronse no local social de Loxo ao que asistiu a representación política do municipio. Segundo destacan nun comunicado, a veciñanza amosou a súa “fartura e paciencia agotada” ante a que consideran unha desatención ante os continuos cheiros procedentes das actividades que realizan na planta de tratamento de residuos nas instalacións de TEN.

- Publicidade -

“Á cidadanía non nos queda outra que tomar cartas no asuntos e dicir basta”

A veciñanza pídelle ó concello que encabece a denuncia formalmente para que se tomen as medidas legais oportunidas para protexer a saúde das habitantes da contorna. Segundo denuncian, nesta planta de tratamento de residuos trátanse anualmente máis de 135.000 toneladas de residuos ao ano procedentes de lodos de depuradoras e outras industrias. “Isto xera un negocio de 3,5 millóns de euros ao ano á empresa dos que entre o 13 e 14 por cento quedan en ganancias para a sociedade participada por Explotacións Galegas da que forma parte”, denuncian. “Á cidadanía non nos queda outra que tomar cartas no asuntos e dicir basta, xa está ben de que se rían de nós”.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego