- Publicidade -

O Fórum Metropolitano da Coruña ficou pequeno na tarde de onte na presentación pública do documental sobre a mina de touro dirixido por Xosé Bocixa. Alto interese, igual que sucedeu en Compostela, para ver este documental de 55 minutos que narra a loita das e dos veciños de Touro e O Pino contra o megaproxecto mineiro que ameaza a comarca.

A loita de Touro e O Pino é a loita de todos nós. É unha historia universal

O documental, que narra unha loita que se vén repetindo na historia recente do noso país, pretende ser, tal e como explicou o propio director onte na Coruña, un impulso para non “pechar os ollos diante desta realidade”

Xulio Ferreiro participou no acto

Isto podémolo parar igual que paramos Corcoesto

O alcalde da Coruña, Xulio Ferreiro, participou na tarde de onte na proxección do documental e no debate posterior con familias afectadas pola reapertura da mina. A concelleira de Medio Ambiente, María García, tamén estivo presente ao longo de toda a xornada como tamén houbo representación local do BNG.

Ao remate da proxección, Xulio Ferreiro, quixo dar as súas impresións sobre o documental e achegar o seu apoio ás e aos veciños afectados polo proxecto.

O documental voltará en breve á Coruña coa AAVV Agra do Orzán e a escola de arquitectura