A traballar pola “Coruña molona” desde o Parlamento Galego

O alcalde da Coruña cuestiona a decisión do PPdeG de darlle máis responsabilidades aos candidatos dese partido Beatriz Mato e José Manuel Rey Varela

O anuncio do portavoz parlamentario do PPdeG, Pedro Puy, de que daría máis responsabilidades aos exconselleiros de Medio Ambiente e Política Social, Beatriz Mato e José Manuel Rey Varela, reiniciou a polémica do uso da maior institución do país en beneficio das candidaturas do PP á cidades da Coruña e Ferrol.

- Publicidade -

O alcalde da Coruña cuestiona a decisión do PPdeG de darlle máis responsabilidades aos candidatos dese partino Beatriz Mato e José Manuel Rey Varela. Preguntado por Nós Televisión a este respecto o alcalde da Coruña, Xulio Ferreiro, parabenizouse de que non sexa “desde o posto” na Xunta de Galicia, porque “o uso que se estaba facendo non era o adecuado, posto que gran parte da actividade estaba centrada en facer oposición á cidade da Coruña”. Aínda así dubidou de que desde o Parlamento galego sexa “un bo lugar para facer campaña electoral”.

Pedro Puy xustifica a decisión: “Enriquecerá ao grupo”

Candidata á alcaldía da Coruña pero con soldo do Parlamento Galego. Na mañá de onte, o voceiro do PPdeG defendeu diante dos medios de comunicación a decisión de manter o escano da propia Mato, así como tamén o do aspirante á alcaldía de Ferrol, posto que asumirán “responsabilidades” dentro do grupo.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego