A televisión en Ultra Alta Definición chega a Compostela

Televés presenta unha canle de probas UHD para a comarca que emite en bucle, dende hoxe, un documental de RTVE sobre o patrimonio monumental da cidade

O audiovisual non deixa de reinventarse. Cando parecía que as emisións televisivas tocaban o seu “teito de cristal” coa retransmisión en Alta Definición, o sector volve innovar presentando a UHD —Ultra High Definition—. Este novo formato comeza emitir hoxe na comarca de Santiago de Compostela cunha canle de probas do grupo RTVE, en colaboración con Televés.

- Publicidade -

A primeira canle de UHD emitirá en bucle un documental sobre a cidade

Este período de emisión en probas durará alomenos seis meses, un tempo no que Televés realizará diferentes tests de cara ao seu futuro uso comercial. A primeira canle de Ultra HD da contorna retransmitirá en bucle un documental sobre o patrimonio monumental da cidade.

Televés, unha empresa galega con “vocación global”

O director xeral de Televés, Santiago Rey, puxo en valor o raizame da compañía, que comezou “fabricando antenas nun garaxe de Santiago” e acabou por converterse nunha empresa de telecomunicacións punteira a nivel mundial. Hogano, Televés conta con delegacións en China, Alemaña, Italia ou Estados Unidos. Santiago Rey afirma que a compañía é “santiaguesa e galega”, pero con “vocación global”.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego