A polémica sentenza contra os cinco acusados da ‘Manada’, condenados a nove anos de prisión por un delito de abusos sexuais e non de violación, segue a causar un sentimento xeralizado de noxo entre a poboación de todo o Estado, como se puido ver nas multitudinarias concentracións deste xoves. O alcalde de Santiago, Martiño Noriega, apunta que o auto xudicial é “moi inxusto”, polo que o acata pero non o respecta.
.@martinhonoriega valorou hoxe a sentenza contra a #Manada.
“Acatámola pero non a respectamos” pic.twitter.com/wRY22sN3y8— Nós Televisión (@NosTelevision) 27 de abril de 2018
Marta Lois: “Este auto é consecuencia dun modelo patriarcal de Xustiza”
Tamén se manifestou sobre este asunto a concelleira de Igualdade, Marta Lois. A edil considera a sentenza unha “decepción absoluta”, consecuencia dun sistema xudicial baseado nun “modelo patriarcal” que deixa en evidencia que aínda queda “moito traballo por facer” dende o movemento feminista.
A concelleira de Igualdade, @MLoisgonzalez, tamén valorou hoxe a sentenza e amosou a súa absoluta “decepción” https://t.co/X9q6zu1yKB pic.twitter.com/R3VhvEe819
— Nós Televisión (@NosTelevision) 27 de abril de 2018
Pola súa banda, a voceira de Igualdade do grupo parlamentario de En Marea, Paula Quinteiro, lamenta que a muller denunciante pase “de vítima a culpable” neste proceso, ao tempo que critica que algúns medios de comunicación e mesmo un dos xuíces do caso dubidasen da súa versión.
“A muller pasou de ser vítima a ser culpable”
A voceira de Igualdade do grupo @En_Marea, @pau_qa lamentou hoxe o papel dunha xustiza e duns medios de comunicación que dubidaron da versión da vítima da #Manada pic.twitter.com/HvNt9ZUiji
— Nós Televisión (@NosTelevision) 27 de abril de 2018
Reaccións dende o Goberno
A forte presión social no tocante a esta sentenza comeza dar os seus froitos. O Goberno central vén de anunciar que revisará os delitos sexuais no Código Penal e podería incluso mudar a tipificación actual do delito de violación. Durante a xornada de onte, altos cargos de PSOE, Podemos, Izquierda Unida ou BNG criticaron esta situación, namentres dende PP e Ciudadanos amosan “respecto” pola sentenza e o sistema xudicial mais aseguran non compartir a mesma opinión.
