More

    A Secretaría das Mulleres da CUT anuncia accións de boicot á Xunta se reabren as escolas infantís

    O sindicato solicita que o Goberno galego amplíe e garante medidas de conciliación para as familias

    A tres días de iniciarse a fase 2 de desconfinamento, as traballadoras das escolas infantís descoñecen se os seus centros de traballadoras reabrirán parcialmente as súas portas. A Central Unitaria de Traballadoras ve “intolerábel”  esta situación e pide que non se produza tal reapertura. “Xogan coa saúde física, mental e emocional de todas e estamos fartas”, denuncian dende a Secretaría das Mulleres da Central Unitaria de Traballadoras.

    “É inviábel manter a distancia entre as cativas de 0 a 3 anos, acaso pretenden que non as consoles? Que non as apertes? Que non deixes que aperte a outra cativa? Imos deixalas castigadas sen contacto oito horas ao día?”, denuncian dende o sindicato, que chama a colocar, dunha vez por todas, os coidados e os dereitos da infancia no centro das decisións políticas. A Secretaría das Mulleres sostén que “é imprescindíbel que os gobernos galego e central amplíen o dereito á conciliación e as ferramentas para levalo a cabo sen ser a conta da saúde das crianzas”.

    Posíbel reapertura das escolas infantís

    O Goberno central anunciou que, a partir da fase 2, as Comunidades Autónomas poderán reabrir parcialmente as escolas infantís para aquelas familias nas que as dúas titoras ou titores das crianzas de 0 a 3 anos non teñan con quen deixar ás cativas. A última palabra tena, en todo caso, o goberno autonómico, neste caso a Xunta. Boa parte das Comunidades xa anunciaron que non reabrirán as escolas infantís de primeiro ciclo (0 a 3 anos) ata o vindeiro curso. A Xunta continúa sen pronunciarse nin dar información algunha ás traballadoras.

     

     

     

    Faite socia, faite socio

    As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego