As traballadoras e traballadores da CRTVG volven vestir de negro un venres máis. As protestas contra a manipulación informativa, que se visibilizan nos venres negros, chegan xa á semana número 61.
Unha radio en diferido non é servizo público. Participa no #VenresNegro61CRTVG e protesta contra o desmantelamento. Envía o teu apoio a venresnegrocrtvg@gmail.com#RadioKO #STOPdesmantelamento pic.twitter.com/vaqBfiFW9w
— DefendeAGalega (@DefendeAGalega) July 19, 2019
Desta volta, no epicentro das protestas atópase o recorte de programación en directo na Radio Galega de cara o periodo estival. O cadro de persoal da RG elaborou un documento no que denuncian as máis de 200 horas pregravadas e enlatas que se lanzarán en antena en verán como ferramenta para cubrir as vacacións das traballadoras, en troques de tirar das listas de contratación. No documento, as traballadoras tamén advirten de rotacións de horario forzosas ou a sobrecarga de traballo das contratadas en prácticas, a quen lles destinan as informacións máis sensibles mentres que a outras traballadoras se lles afasta “por motivos pouco claros”.
A Radio Galega emite este verán máis de 200 horas de programación gravada, boa parte dela repetida. #RadioKO.
Unha radio en diferido non é un servizo público #STOPdesmantelamento.
Anxo Quintela no #VenresNegro61CRTVG pic.twitter.com/DHzsPSNjKr— DefendeAGalega (@DefendeAGalega) July 19, 2019
