A oposición veciñal ao parque eólico que quere construír Endesa en Paradela, Lugo, decidíu organizarse e formar a Plataforma Stop Eólicos para facerlle fronte á empresa. A plataforma denuncia o “impacto inasumible” sobre a paisaxe que supón a instalación dos 27 aeroxeneradores, tal e como pretende a compañía.

- Publicidade -

Nun comunicado, o colectivo anuncia unha campaña informativa para advertir dos impactos negativos que ten para a zona da Ribeira Sacra a instalación dos parques eólicos ‘Paradela’ e ‘Serra das Penas’ por parte da filial Enel Green Power España. Denuncian, ademais, que as galegas e os galegos sexan quen pague a factura máis cara a nivel estatal nunha terra como a galega que é excedentaria en canto á produción de enerxía.  Finalmente, a Plataforma considera urxente un novo plan sectorial eólico “que respecte ás paisaxes singulares de Galicia”e un Goberno da Xunta “que vele polo interés xeral da poboación”.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego