As organizacións ecoloxistas levan advertindo das carencias da Lei de Patrimonio Natural dende o seu anuncio en 2017 xa que en ningún momento a Xunta admitíu a participación das propias asociacións. Nos últimos meses, Alberto Núñez Feijóo mesmo apurou os prazos no Parlamento para o rápido debate e aprobación da norma pese as críticas da oposición.

- Publicidade -

Os colectivos Sociedade Galega de Historia Natural (SGHN), Asociación para a Defensa Ecolóxica de Galiza (ADEGA), Rede Galega de Custodia do Territorio e a Sociedade Galega de Ornitoloxía (SGO) consideraban esta lei “unha mofa” polo que se reuniron coa oposición para realizar unha enmenda á totalidade da lei que, finalmente, foi aprobada cos únicos votos do PP. As organizacións ecoloxistas lamentan as carencias desta lei entre elas, por exemplo, que non inclúan as especies invasoras.

Tamén ven “incomprensible” que a lei limite a superficie que pode ter unha área para ser declarada como parque natural. Para estas organizacións, a intención da Xunta é clara: “que non se declaren máis Parques Naturais”.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego

Quero ser de Nós Televisión