A exposición conta cun total de 51 obras de artistas como Picasso, Kandinsky, Xaime Quessada ou Rafael Úbeda, e con elas trata a sinestesia ou hibridación sensorial, a representación pictórica de festas e danzas e a vinculación da música coa infancia.

Ademais da propia exposición este proxecto trae outras moitas actividades coma o teatro, o cinema, a literatura ou a gastronomía, da man de personalidades coma Pepe Solla ou Estíbaliz Espinosa.