Nun mundo cunha presenza cada vez máis notábel das novas tecnoloxías, é preciso apostar pola lectura. Iso é precisamente o que están a facer as e os escolares da cidade durante a cidade, a través da Campaña de Animación á Lectura que o Concello impulsa durante esta semana con diferentes obradoiros de lectura e escrita na Galería Sargadelos.

Membros do Goberno e a corporación municipal acudiron este mércores á sesión de contacontos e a exposición de “A horta de Simón”, o título gañador da décima edición do Premio Internacional ‘Compostela’ para Álbums Ilustrados.

Previstas numerosas actividades

Trátase da decimoctava edición desta iniciativa do Concello compostelán, na que teñen participado máis de 80.000 cativos e cativas durante estes anos, sempre amosando un grande interese por ese elemento cada vez menos recoñecido como é o libro.