A fibra óptica, máis preto de chegar á zona vella de Compostela

O Concello encomenda ao Consorcio o soterramento do cableado aéreo no cruce das rúas do centro histórico

O Concello de Santiago quere solucionar por fin o que vén sendo unha necesidade nos últimos anos: dotar de fibra óptica á “amendoa” que conforma a zona vella do municipio. A Xunta de Goberno acordou este venres encomendar ao Consorcio o soterramento do cableado aéreo no cruce das rúas do centro histórico compostelán, nunha operación que comezaría na rúa de San Francisco.

- Publicidade -

Comezarase pola rúa de San Francisco

Unha das dificultades que entraña a instalación da fibra óptica na “amendoa” é que o Plan Especial da Cidade Histórica impide instalar novo cableado. A solución proposta polo Goberno local pasa por mudar os actuais cables de cobre por outros de fibra óptica, para dotar deste servizo á veciñanza da zona.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego