A educación ambiental pode ser determinante para un país. Esa é a idea que o profesor Kylyan Marc, de Educación Social, quería transmitir ao seu alumnado. Por iso, ofreceulles a posibilidade de preparar as I Xornadas sobre Conflitos Ambientais en Galicia. As alumnas e alumnos conformaron grupos e afondaron en cada un dos conflitos como, por exemplo, o caso da mina de Touro. Grazas a este proceso, non só naceron estas xornadas senón que o alumnado reflexionou sobre a importancia da educación social neste ámbito.