Espazos singulares, históricos e artísticos malia que descoñecidos e invisibilizados. Compostela goza dun patrimonio de primeiro nivel oculto. Agora, tras unha iniciativa da Área de Cultura do Concello de Santiago, ábrense as portas dos tesouros históricos menos accesibles da cidade.

- Publicidade -
Compostela agocha tesouros descoñecidos

Trátase dunha pioneira iniciativa que dará a coñecer historias, reflexionar e desvelar sobre o patrimonio oculto que existe, nomeadamente, en sete espazos singulares da cidade como son, entre outros, o Ceminterio de Boisaca, o Psiquiátrico de Conxo ou os pazos de Raxoi, San Lourenzo e de Ramirás.

Durante seis días poderanse observar unha herdanza monumental de séculos que non está accesible durante todo o ano. Para poder participar nas visitas guiadas gratuítas, cómpre reservar praza con antelación. A xornada inaugural terá lugar o vindeiro xoves 13 de setembro e, poucos días despois, o sábado, virá o prato forte desta actividade coa celebración da Noite do Patrimonio e que achegará un completo programa de actividades simultáneas en 15 cidades patrimonio do Estado.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego