A Casa-Museo Manuel María, xunto á Federación de asociacións culturais Galiza Cultura, levarán a cabo este sábado 13 de xullo, en Outeiro de Rei, a VI edición do Convivio da Cultura Galega. O Convivio, aberto a todas as persoas e a todo o asociacionismo cultural de base, busca a recuperación do espírito comunitario da tradicional romaría da Santa Isabel de Outeiro de Rei, de foliadas e merendiñas. Todo isto ao redor da figura de Manuel María, alicerce fundamental na construción e dinamización do movemento cultural galego.

- Publicidade -

Encontro da Federación de entidades culturais Galiza Cultura

No marco deste Convivio, as entidades culturais que forman parte da Federación Galiza Cultura terán un encontro no auditorio da Casa-Museo Manuel María para preparar o desenvolvemento de próximas iniciativas conxuntas.

Faite socia, faite socio

As socias e socios de Nós Televisión son un piar básico. Desde moi pouco, a túa achega económica pode axudarnos a consolidar este espazo audiovisual libre e en galego