Coincidindo co Día Mundial do Medio Ambiente o BNG denunciou na Praza do Obradoiro a situación do vertedoiro de Grixoa, na canteira de Miramontes; poucos días despois de anunciar unha campaña de protesta polas posibles irregularidades deste vertedoiro. Varias persoas con fotografías da instalación e membros da Plataforma de Afectados polo vertedoiro participaron na protesta. O voceiro municipal do BNG resumiu aos medios como se chegou a esta situación.
Rubén Cela: “Temos un problema descoñecido para a veciñanza que está a tan só 7 quilómetros desta praza do Obradoiro”
.@rubencela, voceiro do Bloque, deu conta da problemática do vertedoiro de Grixoa. “Aquí chegan os refugallos que non queren noutros sitios” pic.twitter.com/zTQzK8xJkL
— Nós Televisión (@NosTelevision) 5 de junio de 2017
“Non somos importantes, non somos ningún poder económico pero queremos vivir con dignidade”
A Plataforma de afectados reivindica o dereito a poder vivir no rural dignamente e que as súas demandas teñan resposta malia non ser un núcleo grande de poboación. Marisa López, da Plataforma de afectados, participou no acto e deu conta das consecuencias negativas deste vetedoiro para a veciñanza da zona.
Marisa, da Plataforma de afectados, participou no acto e deu conta das consecuencias negativas deste vetedoiro https://t.co/SVStMLh8te pic.twitter.com/O4n7GASzXN
— Nós Televisión (@NosTelevision) 5 de junio de 2017
O BNG denuncia que agora este vertedoiro recibe refugallos “dende Sogama a Nostián e mesmo temos noticia de residuos que veñen de fóra de Galiza e se incumpre un principio básico de tratamento no lugar máis próximo a onde se xeneran”.
