Novo impulso para a atención ás persoas sen fogar: o Centro Vieiro xa é unha realidade

Novo paso na loita contra o “senfogarismo”. O Centro de Atención Social Continuada ‘Vieiro’ substitúe ó antigo edificio ubicado en Costa Vella, e nace co obxectivo de dar atención ás persoas en situación de exclusión social severa.

O edificio foi cedido pola Diócese de Santiago e habilitado para a causa con fondos da Deputación da Coruña e a Xunta de Galicia. O obxectivo é poder atender as demandas das máis de setecentas persoas que, durante o ano 2016, acudiron á antiga sede.

O Centro Vieiro prestará servizos de atención psicoeducativa, asesoramento xurídico ou formación profesional.

Concha Fernández: “É preciso seguir traballando a prol do acceso á vivenda das persoas sen fogar”