A Deputación da Coruña homenaxeou a Rosalía de Castro ao pé da estatua que a escritora e pensadora galega ten na Alameda compostelá, monumento que este 2017 cumpre cen anos. O acto forma parte dos que se veñen realizando ao redor do Día de Rosalía, o 24 de febreiro, no 180 aniversario do nacemento da poeta.
Na homenaxe participou Valentín González Formoso, Presidente da @Depucoruna, entidade organizadora desta actividade https://t.co/hnyGYOg5uz pic.twitter.com/nbOEg9GBuO
— Nós Televisión (@NosTelevision) 23 febreiro 2017
Tamén participou na homenaxe a #RosaliaDeCastro o Alcalde de Santiago, @martinhonoriega https://t.co/hnyGYOg5uz Rosalía, común denominador pic.twitter.com/b2TY8uQhIU
— Nós Televisión (@NosTelevision) 23 febreiro 2017
O Presidente da @aelg, Cesáreo Sánchez, tamén participou hoxe na Homenaxe a #RosaliaDeCastro na Alameda https://t.co/hnyGYOg5uz pic.twitter.com/W1o69pWjUc
— Nós Televisión (@NosTelevision) 23 febreiro 2017
Unha #RosaliaDeCastro triste na estatua que hai na Alameda? Aquí vai a reflexión de @GorettiSRei https://t.co/hnyGYOg5uz @DACCultura pic.twitter.com/kZvll1PIR7
— Nós Televisión (@NosTelevision) 23 febreiro 2017
No acto participaron o presidente e a vicepresidenta da Deputación, Valentín González Formoso e Goretti Sanmartín Rei, o alcalde de Santiago, Martiño Noriega, o presidente da Asociación de Escritores e Escritoras en Lingua Galega (AELG), Cesáreo Sánchez Iglesias, o presidente da Fundación Rosalía de Castro, Anxo Angueira, e o historiador, Miguel Anxo Seixas, ademais de varias autoridades como o Secretario Xeral de Política Lingüística, Valentín García, colectivos sociais e rapazas e rapaces de distintos institutos de secundaria de Santiago que leron frangmentos da obra da nosa grande poeta.
Rosalía de Castro, o común denominador
A cerimonia contou coa actuación musical do grupo Habelas Hainas, que interpretou diversos temas de Rosalía de Castro. Ao remate do acto agasallouse aos asistentes cun exemplar do libro “Quen fora pedra” do investigador Miguel Anxo Seixas.
